各位朋友好, 又係我酒店控LOUIS同大家玩酒店既時間啦!

首爾係小弟同太太都好鐘意去既地方, 太太可以買衫買襪買謢膚品, 而小弟就可以去食炒辣雞炸雞同一隻雞!!

食同玩都要好, 住又點會差呢?? 所以我今日向大家推薦呢間酒店:

首爾南大門萬怡酒店 (Courtyard Marriott Namdaemum). 官網請按我

“Louis Kwok , 首爾有咁多間酒店, 點解你要推呢間呢??”

其實好簡單, 因為佢對會員好好!!一陣間我一路介紹一路話俾大家聽!! (今年已經住左9晚)

我跟太太去首爾玩, 一舨都會坐零晨機, 因為可以早D過去早D玩, 但撘過零晨機的人就知道, 其實咁早過到去D鋪頭又真係未開喎, 如果酒店有得早D CHECKIN休息下就好啦!!

南大門萬怡就係呢樣野好, 小弟兩次撘零晨機, 兩次都係7:30左右到酒店, 酒店都可以安排小弟先入住房間, 等我跟太太可以沖個涼休息一下, 訓一陣先再出去玩!!

而且佢都會提醒金卡或白金卡會員可以去行政酒廊食個早餐先再訓呢

南大門萬怡行政酒廊的餐食就真係幾普通, 不過都食得飽你既!!

好快食飽返去訓一陣就出街玩, 返到酒店後就真正CHECKIN是次要入住的房間:

首爾塔景行政套房:

首先來看看客廳, 四四方方的連一套沙發, 擺設簡簡單單而舒服

雪櫃係放係廳內, 而且仲有人蔘保健產品賣呢

正如房名所說, 首爾塔景行政套房, 又點會少左首爾塔呢??? 但係就遠到…….

咁睡房又點既樣呢??

床單是非常的舒服, 否則太太不會每天都中午12時才起床 (吐嘈一下先)

牆腳當然有另一部大電視啦

我很喜歡呢間酒店, 因為佢房內有好多的USB插位, 基本上插蘇都不用帶, 只要你有USB線就可以叉到電子産品. 而且插蘇是三腳, 香港的插蘇都適合.

咁浴室又點呀??

兩個洗手盆係小弟最愛的, 其次是女士有無留意到, 有一個長方型的燈圍住鏡子的, 太太說這個是方便化粧的, 可能我地男士就唔識啦

備品是用自家品牌的!!

每天係首爾飲飲食食, 難免會令到自己賤肉橫飛, 為左補償一下心靈, 就一於去GYM ROOM…..睇下啦!!

健身室建於地庫, 唔知點解有D陰森呢……

哈哈, 一如所料, 一個人都無, 但係所以的器材都超級新淨

而且數量都唔少, 鐘意點玩都得, 唔駛同人爭……啊, 乜有人咩??

唉都係快D走啦!!!

小弟作為萬豪的白金會員, 我好鐘意呢間酒店好尊重會員, 例如可以俾我早D CHECK IN入房休息, 又每次都UPGRADE套房!!

但可惜佢有一樣野每次都做漏, 就係白金會員歡迎禮:

根據萬豪的官網條款, 白金會員CHECKIN的時候, 酒店要向會員詢問要D乜歡迎禮品, 可以係積分, 又可以係食品飲品.

如果佢地係CHECKIN的過程中忘記了問你要咩, 咁我就恭喜你, 因為你會得到最少價值$50美金的當地貨幣作為補償!!

其實小弟上次3月入住時佢地都唔記得問我, 上次小弟覺得麻煩就唔CLAIM佢, 但點知佢今次又唔記得問我, 真係要俾少少教訓佢, 等佢以後要記得呢

佢就賠左以當天酒店匯率的$50美金俾我, 約50,240 WON

“LOUIS KWOK, 你就好啦, 住完酒店仲有錢收呀!!”

係呀, 除左有錢收之外, 仲有意外驚喜, 收完錢第二天回到酒店, 小弟收到酒店經理的電話, 話昨天同事忘記得給我白金會員的歡迎禮, 深感歉意, 所以請小弟同太太明天再到其餐廳MOMO CAFE食一天自助早餐 (南大門萬怡白金會員只包行政酒廊早餐, 不包MOMO CAFE早餐)

呢個係咪奇遇呢??俾完錢個客, 仲要請佢食多餐, 你話佢幾內疚呢??

咁我又同老婆去MOMO CAFE食早餐啦!!

原來個早餐都唔平架, 要成31,000WON 一個人, 即約$213港幣一位

其實MOMO CAFE內位置都唔係好多

包點呢D野緊係有啦

仲有小弟好鐘意食既CORN

日日煎煎炸炸的首爾真係吃不消, 一定要食D生果平衡下

MOMO CAFE都有個阿豬媽煮麵俾大家食

再有其他的大路款式野俾大家食

小弟覺得MOMO CAFE同行政酒廊所有的款式都係差唔多, 如果真係要俾錢的話, 我就覺得唔抵了.

除左佢地對會員好好外, 當然佢仲有好多優點啦, 例如:

1)交通非常方便

南大門萬怡其實距離明洞只有10-15分鐘腳程, 走過去尚算方便, 而且距離市廳站只有5分鐘腳程

“Louis kwok , 市廰站好似好少聽喎, 好多野景點玩咩??”

市廳無乜野玩, 但有去過首爾的朋友都知道, 首爾地鐵最痛苦之處莫過於轉線, 但市廳站是在兩條遊客主要駛用的路線上, 例如: 乙之路三街(明洞), 東大門歷史文化公園站(東大門批發區), 蠶室(樂天世界), 梨大/新村/弘大入口 (大學購物區). 所以去一般的景點都好方便

如果大家要去逛景福宮及去食土俗村人蔘雞, 酒店旁邊有巴士可直達門口, 只需10分鐘.

2) 食在附近

北倉洞美食街就係酒店後面, 內有”黑豚戀歌”, 專食黑毛豬, 小弟每次來都食

南大門市場在酒店對面, 出名的順天屋豬腳只係行5分鐘就食到, 方便到爆!!

而且酒店附近CS25 / 7-11/ STARBUCK都有, 生活機能極强!!

今次小弟真係無收埋, 把我首爾最愛的酒店給大家作參考, 如果大家有乜首爾的新資訊或好食的餐廳都可以告訴我, 因為我估好我快又會再去多次啦!!!

如果大家覺得小弟文章好的話, 請給我一個讚及分享出去

你的讚及分享, 就係推動小弟教大家玩酒店的動力了

謝謝大家